Ylli i popit Rihanna dhe shefi i META-s, Mark Zuckerberg, kanë mbërritur në indi të premten për të marrë pjesë në një festë ekstravagante të organizuar nga njeriu më i pasur i azisë, me festimet që do të përfshijnë edhe figura të tjera të njohura në të gjithë botën. Bosët e teknologjisë, titanët e industrisë, yjet e bollivudit, ikonat e popit dhe politikanë, do të marrin pjesë në festën gala tre ditore të organizuar nga manjati miliarder Mukesh Ambani. Festa e kësaj fundjave është në fakt një ceremoni paramartesore për djalin më të vogël të Ambanit, Anant, dhe të fejuarën e tij Radika Merchant, vajzë e manjatëve të pasur të farmaceutikës. Fotot e publikuara nga mediat indiane, kanë konfirmuar ardhjen e Rihanës, Zuckerbergut dhe bashkëshortes së tij, Priscilla Chan, në qytetin e lindjes së ambanit, Jamnagar. Rihana, lindi fëmijën e saj të dytë në gusht dhe duket se do të jetë përgjegjëse për argëtimin të premten, në performancën e parë publike të saj që nga superbouli i vitit të kaluar. Mediat indiane raportuan se këngëtarja nga barbadosi ka marrë 9 milionë dollarë për të marrë pjesë në event. Ambani, 66 vjec, është president i gjigandit të naftës e telekomit Reliance Industries, dhe njeriu i 10 më i pasur i botës sipas listës së miliarderëve të Forbes, dhe vlen më shumë se 116 miliardë dollarë.