83 vjeçari që plagosi të birin me çifte gjatë një konflikti për motive të dobëta është shprehur përpara grupit hetimor se plagosjen e ka kryer në kushtet e vetëmbrojtjes dhe menjëherë pas dhunës që djali ka ushtruar ndaj tij. Burime nga grupi hetimor pohojnë faktin se 83-vjecari ka qënë në gjendje të rënduar psikologjike kur ka kryer plagosjen gjë e cila ka ardhur si pasojë e dhunës së ushtruar nga i biri ndaj tij. Kujtojmë se 47 vjeçari i biri i 83 vjecarit ka qënë në gjëndje të dehur në momentin që ka dhunuar babain e ti, ndërsa nuk dihet dhe as vetë i moshuari nuk është shprehur më tepër nëse dhuna ndaj tij ka qënë e vazhdueshme, apo vetëm një rast. Do të jenë hetimet e thelluara që do të bëjë policia për të zbardhur të gjithë rrethanat e kësaj ngjarje të rëndë. Ndërkohë i plagosuri ashtu sikurse është raportuar edhe më herët u transportua në Tiranë për mjekim më të specializuar. Mësohet se ai vijon të jetë në gjendje të rëndë shëndetësore.