Që prej fillimit të muajit korrik, kjo e dielë ka shënuar vetëm një viktimë nga covid 19, ndërsa numri i të infektuarve vijoj të jetë i lartë në harkun kohor të 24 orëve të fundit. Në 24 orët e fundit, nuk e ka fituar dot betejën me sëmundjen nje 69 vjeçare nga Shkodra, e shtruar në gjendje të rëndë, megjithe trajtimin dhe perpjekjet e medha të stafit mjekësor. Gjatë 24 orëve të fundit janë kryer 331 testime për të dyshuar të prekur me COVID19, nga të cilat janë konfirmuar 82 raste pozitive. Ndërsa në të dy spitalet covid ka një numër në rritje të të shtruarve dhe atyre në terapi intensive. Vijon të ketë shtrime të reja në të dy spitalet dhe situata paraqitet serioze. Aktualisht në dy spitalet COVID, në spitalin Infektiv dhe spitalin “Shefqet Ndroqi” po trajtohen 123 pacientë, 17 në terapi intensive dhe 1 pacient është i intubuar.