Pas thuajse tre muajsh sulme të pandalura, Mariupoli ka rënë. Ushtria ukrainase thotë se misionet e saj luftarake në portin e rrethuar kanë përfunduar. Më shumë se cdo qytet tjetër ukrainas, Mariupoli është bërë simbol i brutalitetit të sulmit rus dhe kokfortësisë së rezistencës ukrainase. Më 23 shkurt, jeta në qytet, ecte normalisht, si cdo ditë tjetër. Por, një ditë më pas, gjithcka u shkretua. Qyteti u vendos nën zjarr. E ndërsa konflikti u intensifikua, të shtënat e armëve të zjarrit nisën të dëgjoheshin në qytet. Banorët u ngujuan ku mundën. Shumëkush u largua në kohë, të tjerë mbetën pas. Rusët po afroheshin...Jeta u përmbys tërësisht. Nga dita në ditë, bëheshin më të pakëta edhe rezervat e ushqimeve, ato të ilaceve, etj. “Jetonim si njerëz primitivë”, tregon një banor i qytetit...”Këpusnim degë pemësh, bënim zjarr dhe gatuanim aty. Kam dëgjuar që shumëkush hante edhe pëllumba”. Ishte një rikthim në erën e gurit... Brenda pak javësh, mariupoli u rrënua dhe u gjunjëzua. Ushtria ruse e rrethoi duke sulmuar edhe furnizimet me energji dhe ujë të pijshëm. Nuk u kurfsye as materniteti dhe një avion bombardoi teatrin e qytetit mbi të cilin ishte vendosur një shenjë që tregonte se aty kishte civilë. I gjithë qyteti, infrastruktura, sistemi i furnizimit, logjistika, furnizimet me energji, u shkatërruan brenda pak ditësh.