Rritja e cmimit të hidrokarbureve dhe e cmimeve të shportës, mbështjetja e programit të zhvillimit rural, konflikti mes Rusisë e Ukrainës, si dhe një sërë cështjesh të tjera, ishin temat që u diskutuan këtë të enjte në Kuvend, seancë e cila zgjati më shumë 8 orë. Debate të ashpra pati mes opozitës dhe mazhorancës, kjo pasi Komisioni i Rithemelimit dhe mocionit kërkuan interpelancë me kryeministri Edi Rama lidhur me paketën anti krizë të paraqitur nga qeveria disa ditë më parë, ndërsa ky I fundit nuk u paraqit në seancë. Mirëpo, kryetarja e kuvendit, Lindita Nikolla u shpreh se kërkesa e opozitës nuk është paraqitur në afatin kohor të parashikuar në rregulloren e kuvendit, sipas të cilës duhet të ishin depozituar ditën e hënë. Bazuar në rendin e ditës, deputeti socialist Erion Brace kërkoi interpelancë me ministrën e bujqësisë Frida Krifa për të folur në lidhje me mbështetjen buxhetore për bujqit. Duke shtruar problematikat në Lushnje, Braçe tha se vendimi i marrë nga ministria ka kufizuar mbështetjen për shumë bujq dhe fermerë.