8 janari i vitit 2022 do të shënonte ngjarjen më të paprecedentë në historinë politike të pluralizmit në Shqipëri, kur anëtarët e së njëjtës forcë politike, por që përkrahnin 2 liderë të ndryshëm, të përplaseshin me njëri-tjetrin, deri në ndërhyrjen e policisë. Përkrahësit e ish-kryeministrit Sali Berisha, u thirrën për protestë më 8 janar para selisë së Partisë Demokratike, e cila drejtohej nga Lulzim Basha. Rithemelimi dhe mbështetësit e tij të drejtuar nga ish-kryeministri Sali Berisha sulmuan me dhunë godinën e Partisë Demokratike me synimin për ta marrë atë, e në të njëjtën mënyrë do të përgjigjej edhe grupimi zyrtar i PD të drejtuar nga Lulzim Basha. Ky i fundit kishte parapri një pëplasje të tillë duke blinduar dyer dritare e ditën e protestës do të përgjigjej nëpërmjet përkrahësve të tij të grumbulluar në seli, një pjesë e konsiderueshme të maskuar e të armatosur, duke kundër sulmuar anëtarët e PD, mbështetës të Berishës, teksa Lulzim Basha zhvillonte një mbledhje të Kolegjit të Kryetarëve.