“Ligjvënësit nisën diskutimet për buxhetin e vitit 2025, i cili parashikohet të kapë vlerën e 8.2 miliardë eurove. Nga opozita në komisionin e ekonomisë, i pranishëm ishte vetëm Dashamir Shehi. Ekonomia e Shqiperisë pritet të rritet mesatarisht me 3.9 përqind në periudhën 2025-2027. Borxhi publik parashikohet të zbresë në 55.8 për qind në vitin 2025. Diskursi publik i kryeministrit Rama për të rritur pensionet përmes deklarimit real të pagave është pasqyruar edhe në buxhetin e vitit 2025 ku thuhet se do të zgjerohet baza e tatimit dhe minimizohet informaliteti në ekonominë e vendit. Përmes kësaj strategje pritet qe kontributet nga sigurimet shoqerore të rriten me 6.6 per qind. Ne buxhetin e vitit 2025 janë parashikuar të gjenerohen 2 miliardë lekë shtesë nga ligji për lojërat e fatit. Malaj: “Të ardhurat buxhetore për vitin 2025 parashikohen në masën 754.6 miliardë lekë, krahasuar me planin e rishikuar në 2024, të ardhurat parashikohen 40.6 miliardë lekë më shumë. Të ardhurat gjithsej nga “Kontributet e sigurimeve shoqërore e shëndetësore” janë programuar të jenë 168,989 milionë lekë, në rritje krahasuar me vitin 2024 prej + 10.53 miliardë lekë, ose 6.6%.Inflacioni në 9 muajit e këtij viti ka rënë në 2.3%, ndikim të madh në rënien e inflacionit ka dhënë edhe forcimi i monedhës kombëtare. Kursi i forcuar i këmbimit, ka ardhur për shkak të turizmit, remitancave dhe investimeve të huaja direkte. Pr/buxheti i vitit 2025, parashikon që viti të mbyllet me suficit prej 0.5 mld lekë.”