Donald Trump ka fituar zgjedhjet presidenciale në Arizona, deklaroi Associated Press të shtunën në mbrëmje, duke përfunduar kështu një seri të pastër fitoresh në të shtatë shtetet e konsideruara si fushëbeteja, e duke vulosur një fitore vendimtare të kolegjit zgjedhor përballë zëvendëspresidentes demokrate, Kamala Harris. Trump, i cili kishte siguruar 270 votat e kolegjit elektoral që nevojiten për të fituar Shtëpinë e Bardhë më herët, tani ka atë që pritet të jetë një total përfundimtar prej 312 votash kundrejt 226 votave të Harris. Fitorja e ktheu shtetin e arizonës në bastion republikan që pas fitores së Joe Biden në 2020 dhe kjo e tanishmja është fitorja e dytë e Trumpit në Arizona që nga viti 2016. Trump kishte bërë fushatë për sigurinë kufitare dhe ekonominë, duke e lidhur Harrisin me inflacionin dhe kalimet rekord të kufirit gjatë administratës së Biden. Trump ka fituar gjithashtu shtetet e luhatura të Miçiganit, Pensilvanisë, Gjeorgjisë, Karolinës së Veriut, Ëisconsin dhe Nevadës. Në vitin 2020, Biden mundi Trumpin duke fituar gjashtë nga shtatë shtetet e lëkundura dhe humbi me një diferencë të vogël vetëm në Karolinën e Veriut, duke marrë 306 vota të kolegjit elektoral ndaj 232 të Trumpit. Ky i fundit kishte marrë ndërkohë 306 vota elektorale në 2016, përballë hillari klintonit. Associated Press tha se Trump ka fituar 74.6 milionë vota në mbarë vendin, ose 50.5%, ndërsa Harris 70.9 milionë, ose 48%.