Një 68 vjeccar është gjetur i pajetë brenda banesës së tij në lagjen 10 korriku të qytetit të Vlorës. Viktima është identifikuar si shtetasi, Bashkim Durmishi. Forca të shumta policia kanë mbërritur në vendin e ngjarjes. Burimet nga uniformat blu të qytetit pohojnë se një pistë që po hetohet është ajo e vrasjes për shkak të grabitjes. Pista përforcohet nga fakti që viktima është gjetur i zhveshur në banesën e tij. Gjithashtu, grupi hetimor që ka këqyrur trupin e pajetë të 68 vjeccarit ka vënë re dy plagë, njëra pas koke dhe tjetra në nofull, që dyshohet se janë shkaktuar nga goditje me send të fortë. Megjithatë, në njoftimin zyrtar paraprak, policia thotë se 68 vjeccari ka ndërruar jetë për shkak të infarktit, ndërsa trupi do t’i nënshtrohet ekspertizës mjeko-ligjore për të zbuluar më shumë. Policia thotë gjithashtu se ka më shumë se 68 vjeccari ka më shumë se 12 orë që ka ndërruar jetë dhe pista tjetër është ajo e infarktit. I moshuari jetonte prej kohësh vetëm dhe kishte një qen në shtëpi, që dyshohet se është edhe shkaktari i dy plagëve që janë gjetur në kokë dhe fytyrën e viktimës