Vetëm pak orë pas atentatit të ndodhur një natë më parë në fshatin Zhejë në Kurbin, është identifikuar autori i vrasjes së 67-vjeçarit Dodë Mamli. Sipas njoftimit zyrtar të Policisë, autori i vrasjes është identifikuar shtetasi me inicialet D.T . i cili është shpallur në kërkim. Shërbimet operacionale dhe ato të Forcës Kombëtare të Sigurisë kanë vijuar përgjatë natës kontrollet për kapjen e autorit, por dhe si pasojë e errësirës nuk u bë e mundur gjetja e tij. Për hetimin dhe zbardhjen e kësaj ngjarjeje u ngrit një grup i posaçëm hetimor dhe me specialistët e Drejtorisë së Krimeve të Rënda në Departamentin e Policisë Kriminale në Policinë e Shtetit. Policia ka konfirmuar se shkak I vrasjes së Dodë Mamlit me armë zjarr, ka qenë për konflik prone. Sakaq, Policia po vijon hetimet kontrollet në të gjithë zonën për kapjen e autorit dhe për zbardhjen e rrethanave të plota të kësaj ngjarjeje.