Të paktën 26 persona kanë humbur jetën si pasojë e një serie tornadosh që goditën qytete të shumta në pjesët jugore dhe perëndimore të Shteteve të Bashkuara të Amerikës. Shumë shtëpi mbetën të shkatërruara dhe mijëra njerëz mbetën pa energji elektrike, pasi tornadot shkaktuan dëme të shumta në disa shtete. Sipas amerikanes Ëashington Post, më shumë se 60 tornado janë regjistruar në këto vende. Në shumë shtete – si Arkansas, Tenësi, Illinoi, Indiana, Alabama dhe Misisipi – është raportuar edhe për viktima në njerëz. Njëra nga tornadot goditi edhe qytetin Ëynne të Arkansasit, rreth 170 kilometra larg kryeqytetit Little Rock. Një banore e këtij qyteti, Ashley Macmillan, tha se ajo, burri i saj dhe fëmijët e tyre u strukën në një tualet të vogël gjatë stuhisë, “duke u lutur dhe duke i thënë lamtumirë njëri-tjetrit, sepse menduam se do të vdisnim”. Shtëpia e tyre u shkatërrua nga një pemë e madhe që ra mbi të, por ata nuk u lënduan.