Shtetet e bashkuara të amerikës janë tronditur nga një tjetër video shokuese që tregon vrasjen e një afroamerikani 25 vjecar, nga ana e policisë. I riu u qëllua me 60 plumba pas një ndjekjeje pavarësisht se ishte i pa armatosur kur doli nga makina e tij. Përhapja e videso rrezikon të ndezë protesta të reja në amerikë kundër brutalitetit të policisë ndaj minorancave. Ngjarja ka ndodhur më 27 qershor, në Akron të Ohajos. Zyrtarët dhe policia lokale kanë bërë ndërkohë apel për qetësi në pritje të manifestimeve të lajmëruara të protestës. Sipas versionit të policisë, agjentët kishin tentuar të ndalonin makinën e të riut për një shkelje e cila ende nuk është bërë e qartë, dhe pas një minute ndjekjeje, një e shtënë duket se është nisur nga makina e tij. Në këtë pikë, rasti është bërë cështje e sigurisë publike. Pas disa minutash, makina është ngadalësuar dhe Ëalker ka dalë prej saj duke u munduar të largohet me vrap. Në këtë moment, dëgjohet një seri të shtënash. Në makinën e Ëalker ishte gjetur një pistoletë dhe një karikator i mbushur plot ndërsa një gëzhojë që përputhet me armën u gjet në vendin ku policët thanë se kishin dëgjuar të shtënën e parë, gjatë ndjekjes. Të gjithë agjentët e përfshirë janë pezulluar në pritje të përfundimit të hetimeve.