Për të shuar zërat e krijimit të një opozite anti amerikane, kuvendi i Rithemelimit, vendosi këtë të shtunë, në çdo cep të pallatit të kongreseve, flamujt e Shteteve të Bashkuara të Amerikës. I përjashtuar tashmë nga axhenda e Departamentit Amerikan të Shtetit, Berisha ja faturoi shpalljen ‘non grata’ në SHBA, kryeministrit Edi Rama dhe George Soros në fjalën e tij përpara delegatëve të Kuvendit. Edhe pse një incident në ngjitje të podiumit nuk ia ndal vrullin e fjalimit të tij prej 60 minutash, shoqëruar me mesazhe të forta. “DASH më ka sanksionuar për akuza për të cilat nuk ka asnjë fakt provë dhe dokument. Jam sanksionuar nga lobimi i Sorosit të Edi Ramës. Çilido që do të paraqesë një fakt provë apo dokument kundër Sali Berishës ai është i gatshëm të marr çdo masë ndaj vetes së tij… Unë jam Sali Berisha.