Policia e Tiranës ka sekuestruar një sasi prej 60 kilogramë kanabis sativa, ndërsa në pranga u vu një 52-vjeçar, i cili po e transportonte lëndën narkotike me qëllim shitje. Në kuadër të operacionit policor të koduar “Kargo” u kap në flagrancë Afrim Meçe, banues në Krujë. Në automjetin që drejtonte 52-vjeçari policia gjeti 6 thasë me lëndë të dyshuar cannabis sativa, me peshë totale 60 kilogramë. Nga hetimet dyshohet se lënda narkotike me vlerë rreth 60 000 euro do të shitej në doza të vogla në qytetin e Krujës dhe në qytetin e Tiranës. Lënda narkotike u sekuestrua në cilësinë e provës materiale, bashkë me automjetin dhe një celular. Dyshohet se droga është produkt i kultivuar në fshatrat malorë të Krujës në mjedise të mbyllura, ndërsa po hetohet nëse 52-vjeçari vepronte i vetëm, apo kishte edhe bashkëpunëtorë në këtë aktivitet.