Goditet një tjetër grup kriminal që merrej me trafikimin e emigrantëve të paligjshëm nga Lindja e Mesme drejt vendeve të Bashkimit Europian. Pas një hetimi gati 8-mujor policia ka finalizuar me sukses operacionin “Stafeta”, duke arrestuar 6 persona, sekuestruar nje sasi të konsiderueshme parash, armë zjarri pistoletë, automjete e prova të tjera. Pas hetimeve të filluara që nga viti 2019 kanë rënë në pranga 4 persona nga Tirana dhe 2 nga Korcca. Sipas policisë këta shtetas, në bashkëpunim me njëri-tjetrin dhe persona të tjerë në Greqi, Turqi dhe Lindjen e Mesme, për një periudhë 9-mujore kanë organizuar dhe drejtuar veprimtarinë kriminale të trafikimit të personave me origjinë nga Lindja e Mesme në Greqi, Shqipëri deri në përcjelljen e tyre drejt kufirit me Malin e Zi, Kosovën, me destinacion final vendet e Bashkimit Europian.