Ukraina lëshoi gjashtë raketa ATACMS të prodhuara nga SHBA në rajonin rus të Bryanskut, tha të martën Ministria e Mbrojtjes së Rusisë, disa ditë pasi presidenti i shteteve të bashkuara, Joe Biden, hoqi kufizimin për përdorimin e armëve të prodhimit amerikan, në luftën që ka arritur momentin historik të 1000 ditëve. Ukraina pretendoi se goditi një depo armësh ushtarake në Bryansk në mes të natës, megjithëse nuk specifikoi se çfarë armësh kishte përdorur. Shtabi i Përgjithshëm i Ukrainës tha se shpërthime të shumta u dëgjuan në zonën e shënjestruar. Në një deklaratë të transmetuar nga agjencitë ruse të lajmeve, Ministria ruse e Mbrojtjes tha se ushtria rrëzoi pesë sisteme raketore taktike të ushtrisë, të njohura si ATACMS, dhe dëmtoi një tjetër. Fragmentet e raketës së dëmtuar ranë në territorin e një objekti ushtarak të paspecifikuar, tha ministria. Rënia e mbeturinave shkaktoi një zjarr, por jo dëme apo viktima, tha ministrua.