Gjashtë anije ruse kanë linduar pranë britanisë duke ndezur spekulimet se janë gati për një pushtim në shkallë të plotë të Ukrainës ndërkohë që Kievi ka paralajmëruar tashmë se Putin thuajse e ka përfunduar grumbullimin e trupave përgjatë kufijve. Anijet e flotës ruse në Balltik, Korolev, minsk dhe Kaliningrad, lundruan pranë britanisë së madhe, të ndjekura nga luftanijet e flotës veriore, olenegorski, Gorniak, Pjotr Morgunov dhe Georgi Pobedonosets, që kaluan urën e brezit të madh në danimarkë. Anijet mund të mbajnë secila mjete të blinduara dhe trupa ushtarake dhe janë dislokuar tre ditë më parë, por mbetet e paqartë se ku janë drejtuar ato. Rajoni ka qenë i tensionuar që nga fundi i vitit të kaluar kur moska vendosi rreth 100 mijë trupa por edhe tanke dhe raketa, pranë kufirit. Ministria ukraine e mbrojtjes paralajmëroi një ditë më parë se rusia ka grumbulluar më shumë se 127 mijë trupa në kufi. Dokumenti i parë nga CNN e cilësonte situatën shumë të vështirë dhe paralajmëronte se Putin po përpiqej edhe të mbillte ndasi dhe të dobësonte BE dhe NATO-n ndërkohë që po punon edhe për kufizimin e kapaciteteve të SHBA për të garantuar sigurinë në kontinentin evropian.