Me 5G që sapo ka filluar të hapet në të gjithë botën, industria tashmë ka filluar të shikojë përpara drejt së ardhmes, dhe ajo wshtw 6G, thotw Telegrafi. Standardi i saktë që qëndron pas rrjetit 6G nuk është vendosur ende, dhe ne jemi akoma me vite larg përhapjes së tij, por ka disa teknologji që do të formojnë infrastrukturën 6G tashmë të zhvilluar. Po cfarw eshte ajo saktwsisht? 6G do të jetë brezi i gjashtë i infrastrukturës së teknologjisë wireless, duke standardizuar sinjalet e komunikimit përmes Unionit Ndërkombëtar të Telekomunikacionit, ose ITU. Ndryshimet në gjenerimin e sistemeve të teknologjisë pa tela ndodhin rreth çdo dekadë, dhe pajisjet e mëparshme në përgjithësi janë të papajtueshme me gjeneratën tjetër. Brezat e rinj të teknologjisë wireless do të përfshijnë aftësi më të përparuara të kodimit dixhital. Ato janë të mundshme për shkak të avancimeve të reja në dizajnin e pajisjeve, të tilla si rritja e fuqisë së brendshme informatike apo antenave komplekse. Shumica e hulumtimeve aktuale rreth brezit të gjashtë të teknologjisë wireless përqendrohet në transmetimin e të dhënave përmes frekuencave ultra të larta, mbi diapazonin aktual të 5G. Me 6G, ekziston mundësia për transferim tepër të lartë të të dhënave dhe baza ka filluar të vendoset.