Kompania ajrore Air Europa tha se kishte dërguar një avion tjetër për të transportuar në destinacion, pasagjerët e një fluturimi transatlantik që bëri ulje emergjence në Brazil një ditë më parë pasi u përball me turbulenca të rënda që plagosën më shumë se 30 njerëz. Incidenti ndodhi mëngjesin e të hënës, në Fluturimin UX045, që ishte nisur nga Madridi i Spanjës, për në Montevideo të Uruguajit, kur u përball me turbulenca mbi Oqeanin Atlantik. Avioni ishte një Boeing 787-9 Dreamliner. Një pjesë e të lënduarve u trajtuan në spitalet lokale dhe më pas vazhduan udhëtimin për në montevideo. Një burrë, raportohet se kishte thyer kockën e hundës ndërsa një grua kishte krisje brinjësh. 23 persona u shtruan në spitalin Ualfredo Gurgel, dy prej të cilëve në gjendje të rëndë. Kompania ajrore njoftoi se avioni do ti nënshtrohej një inspektimi për të përcaktuar shkallën e dëmeve. Ndërkohë vetë pasagjerët, rrëfyen momentet e tmerrit për mediat lokale. Pamë njerëz të fluturonin në ajër, disa u përplasën me tavanin e kabinës – tha një pasagjer i cili po ashtu tregoi se në fund kishte parë sediljet të lyera me gjak. Një tjetër pasagjere tha për El Pais: Mendova se ishte dita e fundit e jetës sime.... Piloti i tha një pasagjeri se avioni kishte rënë në pikiatë për 500 metra brenda vetëm 8 sekondave cka edhe tregon për turbulenca të tmerrshme. “Kishte njerëz që përfunduan të varur nga tavani, shumë u lënduan. Pashë njerëz që fluturonin në kabinë dhe përplaseshin në tokë”, tregoi ajo. Sipas Administratës Federale të Aviacionit në SHBA turbulencat mund të ndodhin papritur për shkak të kushteve të ndryshme atmosferike. Ndërsa lëndimet nga turbulencat janë relativisht të rralla, adminiatrata raportoi 17 lëndime serioze në 2022 dhe gjashtë në 2021. Në maj të këtij viti ndërkohë, një britanik i moshuar vdiq nga një atak në zemër pasi avioni