“Më ofendonte sa herë që takoheshim”, kanë qenë këto fjalët e Julian Gjoshit, autorit të vrasjes së Alfred Dedjas në Ndoq, para grupit hetimor. Gjoshi është shprehur se krimin e kreu pasi ndihej I ofenduar nga 50-vjeçari. Sipas tij, Alfred Dedja e ofendonte sa herë që takoheshin. Sipas 27- vjeçarit, takimi I fundit ka ndodhur 10 ditë më pare, dhe se sipas tij edhe aty, Gjoshi ka treguar se ishin sharë me njëri-tjetrin. GRAFIK (FOTO ilustruese, policia e Tiranës) "Ditën e ngjarjes e kam marrë unë në telefon dhe i kam thënë hajde se po të pres për kafe. Sapo u ul e qëllova me armë. Unë atë e kam mbajtur me lekë e bukë kur punonte menaxher te "Golden", pronë e familjarëve të mi. Pasi kreva vrasjen u largova menjëherë. Pistoletën e hodha jo shumë larg nga lokali, në anë të disa shkurreve". Policia do të nisë kontrollet në zonën ku Gjoshi ka treguar se e ka hedhur pistoletën. 27-vjeçari Julian Gjoshi, pasi kreu vrasjen kishte qëndruar në fshatin Shkallnur të Kavajës, në një hotel.