Rreth 50,000 njerëz raportohen të zhdukur pas tërmeteve vdekjeprurëve që goditën Venezuelën më 24 qershor dhe që lanë pas të paktën 230 të vdekur dhe gati 5 mijë të plagosur. Tërmetet, me magnitudë 7.2 dhe 7.5 ballë goditën vendin gjatë natës së kësaj të mërkure dhe mendohet se tërmeti i dytë mund të jetë më i madhi në vendin e Amerikës së Jugut në më shumë se një shekull. Në Karakas dhe La Guaira, dy zonat më të goditura grupet e shpëtimit janë në garë me kohën për të nxjerrë nga rrënojat njerëz, që ende dëgjohen teksa kërkojnë ndihmë. Jorge Rodriguez, presidenti i Asamblesë Kombëtare të Venezuelës tha se 250 ndërtesa ishin dëmtuar ose shkatërruar plotësisht. Presidentja në detyrë e vendit, Delcy Rodriguez, paralajmëroi se numri i viktimave pritet të rritet ndjeshëm në ditët në vijim.