Dhjetëra tanke të përdorur që dikur i përkisnin Belgjikës, do të dërgohen në Ukrainë pasi një marrëveshje është nënshkruar mes një tregtari armësh dhe një vendi evropian, emri i të cilit nuk është bërë i ditur. Tanket e prodhuara në gjermani i ishin shitur nga belgjika kompanisë së mbrojtjes OIP Land Systems pesë vite më parë. OIP tani ka pranuar se do tia shesë 50 tanket një qeverie tjetër, emri i të cilës nuk mund të përmendet për shkak të një klauzole privatësie në kontratë. Qeveria anonime do ti dërgojë më pas mjetet e blinduara në Ukrainë. Vlera totale e marrëveshjes nuk është bërë e ditur por më herët këtë vit sekretari i mbrojtjes në belgjikë, Ludivine Dedonder kritikoi kontraktorët privatë të ushtrisë se i kishin dhënë atij cmime të larta kur u bnë hetime në lidhje me blerjen e pajisjeve të vjetra ushtarake që belgjika i kishte shitur më parë. Tanket janë të vjetër pasi prodhimi i Leopardëve 1 nisi në vitet 1960, por disa prej tyre mund të përdoren për pjesë këmbimi ndërsa të tjerët mund të riparohen dhe të përdoren në fushëbetejë.