Autori i dyshuar i vrasjes së shqiptarit Mario Metaj, që u qëllua për vdekje në Greqi pas një përplasje në Patra, është dorëzuar në polici. Lajmin e përcjellin mediat greke, që thonë se autori 27 vjecar është shoqëruar nga avokati I tij. ngjarja e bujshme ndodhi pesë ditë më parë, Metaj u ekzekutua me pesë plumba në kryqëzimin Kourtesis, në Patra gjatë asaj të dyshohet se ka qenë një përplasje mes bandave shqiptare. Viktima ishte duke lëvizur me automjetin e tij kur një makinë tjetër i ka prerë rrugën, duke u bërë kështu shkas për aksident. Paskësaj, mbi Metaj u hap zjarr e ndonëse u transportua me urgjencë në spital, nuk arriti t`I mbijetonte plagëve të marra. Ekzekutimit besohet të jetë kryer për një sasi droge, e cila nuk ishte paguar nga viktima. Të shpeshtuara sidomos kohët e fundit, përplasjet mes bandave shqiptare po kthehen në një shqetësim në rritje për policinë e vendit fqinj.