Lëvizja Socialiste për Integrim ka prezantuar në Durrës programin e saj ekonomik për qytetin bregdetar. Kryetarja e LSI-së, Monika Kryemadhi e konsideroi këtë program “një produkt real”, ndërsa tha se do të krijojë vende punësimi për të rinjtë dhe mundësi për rritje profesionale. Kryemadhi u shpreh se ky program do ta shndërrojë Durrësin në një qytet lider në rajon për tërheqjen e investimeve. Është një produkt real, i prekshëm që krijon mundësi punësimi për të rinjtë dhe rritje profesionale të tyre. Këtu puna është gati, njerëzit janë gati, Durrësi ka idenë, ka vizion, për ta çuar në drejtimin që ka nevojë. Kjo do të jetë barrikada e parë ndaj shpopullimit të Durrësit sepse ne nuk mund të lejojmë që të rinjtë të largohen për shkak të mungesës së zhvillimit. Ky projekt e kthen Durrësin në një qytet lider në rajon për tërheqjen e investimeve. Me një port të jashtëzakonshëm ndërkombëtar, mund të krijojë kontakte t pafundme dhe e bën atë lider, por vetëm vullneti dhe dëshira e mirë krijon hapësirë pafundësisht. Ky projekt do të sjelli edhe investime, jo vetëm të atyre të huaja por edhe investimeve vendase. Qeveria aktuale ka mbajtur larg investimet huaja dhe ato vendëse". Kryetarja e LSI-së shtoi se pesë pikat kryesore të programit janë të panegociueshme dhe kjo duket si një sinjal ndaj PD-së që e sheh si një partnere në bashkëqeverisje në rast se opozita fiton zgjedhjet e 25 prillit. Sinkron: “Kemi përcaktuar uljen e barrës fiskale mbi bizneset dhe individin, jemi në taksimin 9%, kemi rënë dakord me partnerët tanë opozitarë. Do jetë edhe taksa e t ardhmes, pra 9+1, dhe ajo +1 do të shkojë te arsimi. Do krijojmë punësim, do rrisim nivelin e jetesës. Kemi nevojë për një transformim rrënjësor social. E ardhmja e fëmijëve tanë duhet të jetë e sigurt, duhet të jetë dinjitoze”.