Qeveria britanike ka nisur të vërë në jetë hapjen graduale, pasi fushata e imunizimit atje ka dhënë fryte. Në këtë kuadër, ajo po sheh edhe mundësinë e rikthimit të koncerteve live, me shumë spektatorë, cka do ta testojë me një event në liverpul, më 2 maj, ku 5 mijë vetë do të lejohet të ndjekin një koncert. Pa distancim social dhe pa maska, por një test negativ para dhe pas eventit. Këhstu, rreth 5 mijë persona do të mund të marrin pjesë në një koncert të grupit Blossoms në Sefton park, në Liverpul më 2 maj. Bëhet fjalë për një event provë të planit të qeverisë britanike për të dalë nga pandemia. Sipas të dhënave të departamentit për digjitalizimin, kulturën, mediat dhe sportin, spektatorët duhet ti nënshtrohen një testi të shpejtë që tregon rezultatin në 30 minuta, në një qendër të ngritur në vendngjarje, para hyrjes. Pjesmarrësve do ti kërkohet të bëjnë një test edhe pas koncertit dhe të japin detajet e kontaktit për sistemin kombëtar shëndetësor, për të garantuar që të mund të gjenden në rast se rezultojnë pozitivë. “Ky është një hap përpara drejt një vere me evente live”, tha sekretari për kulturën, Oliver Doëden. Shpresa është që të mos kalojë shumë kohë para se koncertet të kthehen përgjithnjë”. Sekretari i shëndetësisë, Matt Hancock, ka pohuar se rezultatet e koncertit do ti ndihmojnë të garantojnë edhe që eventet e mëdha në të ardhmen të mund të zhvillohen në siguri të plotë. Mes eventeve të tjera provë të parashikuara nga qeveria britanike është edhe gjysmë finalka e FA Cup, mes Leicester City dhe Southamptonit në stadiumin Ëembli në londër, ku do të lejohet hyrja e 4 mijë personave.