‘5 mijë dollarë për çdo qytetar të rritur’, ku është premtimii I Presidentit amerikan Donald Trump në prag të zgjedhjeve të mesmandatit, nëse Partia Republikane ruan kontrollin e Dhomës së Përfaqësuesve dhe Senatit. Sipas tij, kushti kryesor do të ishte që paratë të shpenzoheshin brenda Shteteve të Bashkuara. Trump nuk dha detaje se si do të realizohej pagesa apo nëse do të nevojitej miratimi i Kongresit. Sipas vlerësimeve të raportuara nga mediat amerikane, një program i tillë mund të kushtojë më shumë se 1 trilion dollarë, duke ngritur pikëpyetje për mënyrën e financimit. Një nga mundësitë e përmendura është përdorimi i të ardhurave nga tarifat doganore. Gjatë fjalimit, presidenti amerikan u kërkoi republikanëve të fitojnë të dyja dhomat e Kongresit në zgjedhjet e nëntori, ndërsa e paraqiti garën si një votë me rëndësi për vazhdimin e politikave të administratës së tij në ekonomi, taksa, siguri dhe emigracion. Një tjetër moment që tërhoqi vëmendjen gjatë fjalimit ishte propozimi i Trumpit për Ngushticën e Hormuzit. Presidenti amerikan tha se SHBA-ja kontrollon trafikun në këtë pikë strategjike dhe sugjeroi që ngushtica të quhej “Ngushtica e Trumpit”. Duke u shprehur me humor, Trump tha se udhëheqja iraniane do të ishte “e kënaqur” me këtë emër. Trump tha se SHBA-ja po e fiton luftën dhe se çmimet e naftës pritet të bien pasi konflikti të përfundojë.