260 qytetarë të infektuar, 5 humbje jete dhe 733 të shëruar është bilanci i Covid-19 për 24 orët e fundit në vendin tonë. Autoritetet shëndetësore bëjnë me dije se betejën me virusin nuk kanë arritur ta fitojnë dot tre qytetarë nga Tirana të moshës 72 deri në 87 vjeç, një qytetar nga Gjirokastra 80 vjeç si dhe një qytetar nga Elbasani 92 vjeç. Prej fillimit të pandemisë janë regjistruar 3,438 fatalitete në vendin tonë. Sa i përket rasteve të reja, më së shumti janë regjistruar në Tiranë ku bëhet fjalë për 93 qytetarë të infektuar, më pas vjen Berati me 13 raste, Durrësi me 12 raste dhe Saranda me 11 raste. Aktualisht vendi ynë ka 4,928 qytetarë aktiveë me virusin Covid-19, 88 prej tyre janë duke marrë trajtim në spitalet Covid, nga të cilët 15 janë në gjendje më të rënduar shëndetësore. Ministria e Shëndetësisë i bën apel qytetarëve të vaksinohen sa më parë, për të mbrojtur veten dhe shëndetin e të tjerëve.