Sasia më e madhe e drogës në 15 vite është konfiskuar nga autoritetet portugeze dhe spanjolle. Bëhet fjalë për 5.2 tonë kokainë me vlerë 200 milionë euro ose 235 milionë dollarë, që u gjetën në një jaht në det të hapur. Policia ndërkohë arrestoi tre persona të dyshuar. Policia e pikasi jahtin 24 metra të gjatë në oqeanin atlantik dhe arrestoi tre pjesëtarë të ekuipazhit, dy shtetas spanjollë dhe një peruan. Autoritetet portugeze kanë nisur në fakt prej kohësh një aksion për të luftuar trafikun e narkotikëve nga deti. Kokaina ishte futur në 183 thasë dhe kishte si destinacion tregun evropian, rreth 550 km larg brigjeve portugeze. Dyshohet se personat e arrestuar ishin pjesë e një rrjeti trafiku të njohur që transportonte drogë nga amerika latine drejt evropës. Zyrtarët portugezë thanë se droga e kapur përfaqësonte sasinë më të madhe të kokainës të konfiskuar nga një mjet lundrimi në botë.