Ministria e Bujqësisë ka hapur skemën kombëtare të mbështetjes për fermerët, ku në dispozicion të tyre janë 5.2 miliardë lekë që shpërndahen në 9 programe financimi direkt dhe 3 programe të kushtëzuara me investimin. Masa direkt e mbështetjes përfshin tufën bazë të matrikuluara të të imtave, mbarështim të bletarisë dhe të dosave dhe paradosave. Mbështetja shkon edhe për serrat, fermat organike, implementimi dhe certifikimi global, mbështetje për sipërfaqet e mbjella dhe peshkimin. Masat mbështetëse për investime përfshijnë kategoritë e fermerëve të rinj, ndërtim dhe rikonstruksion stanesh dhe pajisje e makineri për modernizimin e proceseve të punës. Aplikimet kryhen online përmes platformës e-Albania, teksa informacion më të detajuar fermerët mund të marrin përmes kontakteve me AZHBR dhe Agropikat e vendosura në çdo bashki.