Top News- 43385 ‘shuplakat’ e demokratëve ndaj Bashës/ Çfarë do të ndodhë me Partinë Demokratike?!

Pas Kuvendit të 11 dhjetorit të thirrur nga delegatët, të shtunën demokratët ratifkuan me 43385 vota vendimin për shkarkimin e kryedemokratit Lulzim Basha, referendum i cili u zhvillua në të njëjtën ditë kur ky I fundit mblodhi Kuvendin Kombëtar me vendim të 26 anëtarëve të kryesisë. Referendumi Brenda PD, u zhvillua në të gjitha qarqet në 106 qendra votimi, ndërsa është konsideruar si nul dhe ilegjitim nga Lulzim Basha. Ndonëse Berisha i kishte kërkuar drejtuesve të degëve të PD-së që t’i vinin selitë e partisë në dispozicion të procesit të votimit, duke u kujtuar atyre se zyrat e partisë nuk janë personale, në shumicën dërrmuese të rasteve, qendrat e votimit ishin ngritur në mjedise private. Vetë zoti Berisha, votoi në një qendër të përshtatur në një Bar që jo rastësisht mbante emrin “Amerika” e që po ashtu, gjendej vetëm pak metra larg ambasadës së Shteteve të Bashkuara, vend të cilin ai dhe familja e tij nuk mund ta shkelin. Pas mbylljes së referendumit për shkarkimin e kryedemokratit Lulzim Basha, Berisha shkoi në seli bashkë me anëtarët e Komisionit të Rithemelimit të PD-së, por nuk hyri brenda në godinë, ndërkohë që kryedemokrati Basha po mbante mbledhjen e Kryesisë. Nga shkallët e selisë blu, Berisha bëri me dije se 99% e demokratëve pjesëmarrës në votim apo 43385 persona, kanë votuar pro shkarkimit të Lulzim Bashës nga posti i numrit një të opozitës në vend. Sipas liderit historik të PD-së, ky është ndëshkimi për Bashën, të cilin e akuzon se ka shfrytëzuar postin për përfitime personale. Ndërkohë që ka lëshuar edhe një paralajmërim për “besnikët” e tij, që të përdorin statusin e deputetit për t’u shërbyer demokratëve, e jo për qëllimet e tyre. Gjithashtu i ka ftuar që të verifikojnë çdo votë të hedhur në kuti për Bashën. Berisha poashtu hodhi akuza ndaj Bashës se ka kërkuar