Pas arrestimit të autorit të vrasjes së turistit portugez, 42 persona janë shoqëruar në policinë e Saranës për t’u marrë në pyetje, për ngjarjen që tronditi Ksamilin. Burimet për Top Neës bëjnë me dije se është ndaluar një punonjës policie, Moisid Matushaj, 24 vjeç, me detyrë inspektor kufiri në Gjirokastër. Ai është ndaluar nën dyshimet se ndihmoi Sokrat Vatën që t’i fshihej policisë dhe të nisej drejt arratisë. Hetimet e policisë kanë zbuluar se efektivi punionte si bodyguard dë bashku me vrasësin. Policia po heton gjithashtu edhe rolin e çiftit turk që drejtonte mjetin ku ishte fshehur autori vrasjes, pasi ka dyshimet se Sokrat Vata punonte edhe si bodyguard i shtetasit turk. Ndërkohë mësohet se është shpallur në kërkim edhe shtetasi Bekim Bulica, i cili nga hetimet rezulton se ndodhej në vendin e ngjarjes dhe më pas është larguar drejt Tiranës për t’iu shmangur hetimit.