Disa emigrantë shqiptarë që u përpoqën të hynin në Britaninë e Madhe me varkë janë kthyer në Shqipëri. Përmes një fluturimi të Home Office, 42 persona janë ulur në Aeroportin Ndërkombëtar të Tiranës Nënë Tereza. Mes tyre ishin edhe disa persona me precedentë penalë të dënuar në total me 89 vite burg për vepra që përfshijnë furnizimin me drogë dhe lehtësimin e hyrjes së paligjshme në vend. Ata u shoqëruan nga oficerët britanikë të Emigracionit dhe në momentin e zbritjes u pritën nga policia shqiptare. Mendohet se ky është fluturimi i katërt në pak më shumë se një muaj që deporton shqiptarë. Në nëntor, shkelësit, të cilëve u ishte dhënë një dënim i kombinuar me më shumë se 24 vjet burg ishin mes 26 shqiptarëve të dërguar në shtëpi.