Administratori i “ECO-ELB”, Leli Kaja u parnagos me kërkesë të SPAK për korrupsion pasiv. Aksioni u zhvillua nga agjentët e Byrosë Komëbtare të Hetimit, nën drejtimin e e prokurorit të çështjes pas hetimeve të kryera ku u përdorën dhe metoda speciale dhe veprime të stimuluara. Procedimi panal ndaj adminsitratorit të inceneratorit të Elbasanit, Leli Kaja nisën në 1 tetor të këtij viti. Nga veprimet hetimore të kryera deri në këtë fazë, dyshohet se Leli Kaja ka kërkuar dhe marrë nga administratori i një operatori ekonomik shumën prej 400.000 (katërqind mijë) lekësh, në formën e përfitimit të paligjshëm, në këmbim të moskryerjes së detyrave që i ngarkon ligji si administrator i shoqërisë “ECO-ELB” sh.a. Gjatë kontrollit personal, administratorit iu gjet dhe iu sekuestrua shuma e sipërpërmendur.