Një valë rekord nxehtësie ka përfshirë Gadishullin Korean, duke rritur temperaturat në të gjithë Korenë e Jugut dhe Korenë e Veriut, ndërsa autoritetet kanë marrë masa emergjente dhe banorët kërkojnë shpëtim në vende të freskëta, plazhe dhe pishina. Parashikuesit e motit thanë të hënën se nxehtësia ekstreme, e përqendruar më herët në juglindje të Koresë së Jugut, po përhapet në zonën metropolitane të Seulit dhe rajone të tjera perëndimore. Mediat shtetërore të Koresë së Veriut raportuan gjithashtu temperatura që i afrohen 40 gradëve Celsius në disa pjesë të vendit dhe një natë të pestë tropikale radhazi në Phenian. Agjencia e motit e Koresë së Jugut paralajmëroi se temperaturat mund të rriten më tej në rajonet perëndimore këtë javë dhe tha se vala e nxehtësisë dhe netët tropikale ka të ngjarë të vazhdojnë. Të dhënat e publikuara nga Agjencia e Kontrollit dhe Parandalimit të Sëmundjeve të Koresë të dielën treguan se 14 persona kishin vdekur dhe 1,889 persona kishin përjetuar emergjenca nga sëmundje të lidhura me nxehtësinë që nga mesi i majit. Administrata Meteorologjike e Koresë tha se Yangsan regjistroi 42.5 gradë Celsius të dielën, temperatura më e lartë e matur në 122 vjet vëzhgimesh të motit. Qyteti juglindor kishte thyer rekordin kombëtar në dy ditët e mëparshme. Koreja e Veriut është në kushte të ngjashme. Mediat shtetërore thanë se paralajmërimet për nxehtësi mbulojnë pjesën më të madhe të vendit dhe do të mbeten në fuqi gjatë gjithë javës. Sipas tyre, dhjetëra e mijëra njerëz vizituan Zonën Turistike Bregdetare Uonsan Kalma gjatë korrikut ndërsa parqet ujore në Penian ishin po ahstu të mbushura plot.