Sipas Institutit Robert Koch, numri i rasteve me covid 19 në Gjermani ka tejkaluar shifrën katër milionë. Instituti bëri me dije se në 24 orët e fundit në të gjithë vendin janë shënuar 10 mijë e 453 raste të reja, duke e çuar numrin total të rasteve me covid-19 në 4 milionë e 5 mijë e 641 raste në të gjithë vendin. Po në 24 orët e fundit, 21 persona kanë humbur jetën, duke e cuar numrin total të viktimave në 92 mijë e 346 që prej fillimit të pandemisë. Numri javor i rasteve të reja në 100 mijë persona ka arritur në 83.1. Kjo shifër e cila në fillim të korrikut ra deri në 4,9 për qind, më 2 gusht u rrit në 17.8, më 30 gusht në 75.8 dhe dje kjo shifër u regjistrua në 80.7. Ndërkohë, në Gjermani 65,7 për qind e popullatës e kanë marrë dozën e parë të vaksinës anti covid, ndërsa 61,2 për qind I kanë marrë të dyja dozat.