Zgjedhjet për kryetarin e ri të Partisë Demokratike që do të mbahen në 13 qershor, janë epiqendra e zhvillimeve politike në vend në këtë periudhë. Afati i dorëzimit të kandidaturave përfundoi të shtunën dhe nga 9 emrat që shfaqën deshirën për të qenë pjesë e garës, kryesia e PD, ka miratuar 4 kandidatët që tashmë dihen, Lulzim Basha, Fatbardh Kadilli, Edit Harxhi dhe Agron Shehaj. Lulzim Basha, që është aktualisht kryetar në detyrë, kandidon për një mandat të tretë si kryetar partie. Pas humbjes në zgjedhje ai u përballë me reagime të shumta nga brenda PD që kërkonin largimin e tij si kryetar. Por Basha ka deklaruar se në zgjedhje është zhvilluar një masakër e vërtetë elektorale dhe se lufta pr të faktuar këtë farsë do të vazhdojë gjatë. Ish zëvendësministrja e Jashtme Edit Harxhi që shënon edhe një zhvillm historik për pd dhe skenën politiek shqiptare si e para kandidate femër për kryetare partie, e ka cilësuar garën të pabarabartë. Sipas saj strukturat e PD janë në shërbim të kryetyarit aktual Basha. Si pjesë e grupit për reformimin e PD, Harxhi ka kërkuar pas humbjes në zgjedhjet parlamentare të 25 prillit dorëheqjen e Bashës dhe nisjen e një epoke ndryshimesh për PD. Edhe kandidati tjetër Fatbardh kadilli, i cili lancoi i pari ambicjen e për të kandiduar për kryetar të selisë blu, e ka cilësuar si model të dështuar Bashën në drejtimin e PD. Kanidati i tretë përballë Bashës, është Agron Shehaj, një figurë që vjen nga bota e biznesit dhe i angazhuar prej kohësh me PD, zyrtarizoi përfshirjen në garë në ditën e fundit të afatit të vendosur nga strukturat drejtuese. Ai në qëndrimet e tij të pakta publike këto ditë, ka deklaruar se shqiperia ka nevojë për një opozitë të vërtetë.