Tajvani aktivizoi sistemin e tij të mbrojtjes ajrore të enjten pasi u raportua se 37 avionë ushtarakë kinezë hynë në zonën e mbrojtur ajrore të ishullit. Disa prej tyre më pas iu drejtuan Paqësorit perëndimor. Kjo konsiderohet si ndërhyrja më e madhe e pekinit në këto kohë të fundit. Kina, që e konsideron tajvanin e qeverisur në mënyrë demokratike si territor të sajin, gjatë tre viteve të shkuara ka dërguar rregullisht avionët e saj ushtarakë afër ishullit, edhe pse ata nuk kanë hyrë deri më tani në hapësirë ajrore tajvaneze. Ministria e mbrojtjes tha se 37 avionë ushtarakë kinezë, mes të cilëve J-11 dhe J-16, si edhe bombarduesit bërthamorë H-6, fluturuan në pjesën jugperëndimore të zonës së mbrojtur ajrore të ishullit. Kjo e fundit, është një zonë e gjerë që monitorohet dhe patrullohet nga Tajvani për ti dhënë forcave ushtarake të vendit kohën e nevojshme për tiu përgjigjur kërcënimeve. Disa avionë kinezë fluturuan në juglindje të tajvanit dhe kaluan në paqësorin perëndimor, për të performuar mbikqyrje ajrore dhe trajnime fluturimi në distanca të gjata – tha ministria në një deklaratë. Tajvani dërgoi avionët e tij luftarakë dhe anijet për të monitoruar lëvizjet e tyre ndërkohë që aktivizoi sistemet raketore të vendosura në tokë. Ministria kineze e mbrojtjes nuk ka bërë ndërkohë komente. Kina sapo përfundoi një fazë të dytë të patrullimeve të përbashkëta ajrore me rusinë, mbi paqësorin perëndimor, pas fluturimeve më herët mbi detin e japonisë dhe detin e kinës lindore, gjatë të cilave edhe alarmoi Japoninë në lidhje me sigurinë e saj kombëtare.