Pas 3 muajsh hetime, Policia e shtetit ka finalizuar operacionin e koduar ‘Final’, duke goditur disa grupe kriminale që shisnin lëndë narkotike të llojeve të ndryshme. Uniformat blu kanë identifikuar 36 shtetas, pjesëtarë të grupeve, ka ekzekutuar masat e sigurisë “Arrest në burg”, për 15 pjesëtarë, ndërsa vijon punën për kapjen e 16 të tjerëve. Sipas policisë, 5 shtetas janë vënë në pranga gjatë periudhës hetimore. Në kuadër të operacioni, gjatë kontrollit fizik ndaj këtyre shtetasve dhe kontrolleve në banesat e tyre, janë sekuestruar mbi 60 kg kanabis, mbi 2 kg kokainë, 1 armë zjarri pistoletë dhe 3 armë gjahu, 121 000 euro, 60 milionë lekë, 5000 paundë, celularëm, sende të tjera të kundërligjshme dhe 3 automjete. Materialet procedurale për rastin iu referuan Prokurorisë së Tiranës, për veprime të mëtejshme.