Ky është momenti I shoqërimit të 34-vjeçarit, Klajdi Buza, nga policia, pas një operacioni të kryer në Rinas. Sipas uniformave blu, operacioni u krye pas marrjes së informacionit se 34-vjeçari mbante armë zjarri brenda subjektit të tij privat në Rinas. Pas ndalimit të shërbimeve të Policisë në subjektin privat të Klajdi Buzës në Rinas, 34-vjeçari ka qëlluar në drejtim të efektivëve nga brenda subjektit të tij. Fatmirësisht nga të shtënat nuk ka pasur asnjë të lënduar, ndërsa shërbimet e Policisë kanë bërë të mundur neutralizimin e 34-vjeçarit. Në cilësinë e provës materiale, Klajdi Buzës iu sekuestrua arma e zjarrit dhe municion luftarak, sakaq sipas njoftimit zyrtar mësohet se I riu ishte me precendent kriminal të mëparshëm në fushën e armëmbajtjes pa leje. Materialet i kaluan Prokurorisë, për veprime të mëtejshme procedurale.