Izraeli ka vijuar sulmet në Gaza, duke vrarē të paktën 34 persona, bënë të ditur autoritetet shëndetësore të Gazës. Sulmet nisën të premten dhe kanë vijuar edhe gjatë mëngjesit të së shtunës. Autoritetet e spitalit Shifa thanë se 12 prej viktimave u vranë në stadiumin e Gazës ku ishin strehuar. Ofensiva vjen në një kohë kur presidenti amerikan, Donald Trump njoftoi se marrëveshja për armëpushim mund të arrihet brenda javës tjetër mes Hamasit dhe Izraelit. Gjate nje konference me gazetaret ai tha se SHBA po punon shume qe të arrihet nje pakt qe do te sillte lirimin e pengjeve dhe ndalimin e luftes. Një zyrtar në dijeni me zhvillimet i tha agjencisë së lajmeve Associated Press se ministri izraelit për Çështje Strategjike, Ron Dermer, do të arrijë të Uashington javën e ardhshme për të diskutuar armëpushimin në Gaza, situatën me Iranin por dhe tema tjera.