Një I burgosur në Shënkoll tentoi arratinë mesditën e të premtes. Adriano Berisha mundi të largohej duke kaluar telin e perimetrit të jashtëm u kap pas vetëm 3 minutash. 31-vjeçari mundi që të largohej rreth 500 metra nga rrethimi I burgut kur u prangos dhe u rikthye sërish në qeli pa shkaktuar incidente. Ai e tentoi arratinë gjatë një aktiviteti të jashtëm të burgut, ku po merrte pjesë në sistemimin e mbeturinave nën mbikëqyrjen e punonjësve të sigurisë. Burgu i Shënkollit dhe institucionet përkatëse në një reagim zyrtar sqaruan se Adriano Berisha u neutralizua menjëherë pas tentativës që nuk zgjati më shumë se ytre minuta dhe se po vijojnë hetimet me qëllim zbardhjen e plotë të këtij rasti. Ky incident vjen pas një tentative të ngjashme në Shkurt të këtij viti, kur Daut Laze kishte tentuar të largohej nga burgu i Shënkollit duke kapërcyer murin rrethues. Ndërkohë mësohet se autoritetet po rishikojnë masat me qëllim që të parandalohen ngjarje të ngjashme në të ardhmen. IEVP Lezhë është institucion mjekësor i posaçëm, ku zbatohen masa sigurie të përshtatura për pacientë dhe jo për të dënuar apo të paraburgosur. Kjo kategori personash trajtohet kryesisht në mënyrë të diferencuar, në përputhje me legjislacionin në fuqi dhe standardet mjekësore e të të drejtave të njeriut.