Një sasi e konsiderueshme prej 300 kg kokainë është sekuestruar nga policia kufitare në portin e Durrësit në një operacion të koordinuiar me policinë kriminale dhe autoritetet doganone. Në pagtat e policë është arrestuiar në kushtet e flagrancës drejtuesi i kamionit me targa të Maqedonisë së Veriut, shtetasi maqedonas Nazif Ajroski. 40 vjeçari ka mohuar të ketë dijeni për ngarkesën e drogës të gjetur në kamion, dhe ka pohuar para grupit hetimor se ai kryen vetem transport ndërkombëtar të materialeve të ndërtimit. Kontrolli mbi kamionin që kishte deklaruar se kishte ngarkesë me material ndërtimi, u ndërmor pas dyshimeve të krijuara nga Task Forcë, duke e kaluar mjetin për kontroll të detajuar në vijën e dytë në daljen transit. Sasia e mallit të paligjshëm është konstatuar kur kamioni i është nënshtruar skanimit. Nga kontrolli i imtësishëm në kamion Task Forca gjeti të fshehur në trupin e kamionit, një sasi rreth 300 kilogramë lëndë narkotike të dyshuar kokainë, e cila u sekuestrua në cilësinë e provës materiale. Dyshohet se nga Maqedonia e Veriut droga që do të kalonte tranzit nga Shqipëria, kishte si destinacion jugun e Italisë, për t'u hedhur më tej në tregun e narkotikëve. Pakot me drogë ishin të kamufluara me etiketa të markave të njohura. Grupi hetimor, nën drejtimin e Prokurorisë së Rrethit Gjyqësor Durrës vijon veprimet hetimore për dokumentimin e plotë kësaj veprimtarie kriminale, identifikimin dhe kapjen e personave të tjerë të përfshirë në këtë rrejt trafiku ndërkombëtar.