Ministria ruse e mbrojtjes raportoi se ukraina ka lëshuar më shumë se 296 dronë drejt vendit, gjatë natës dhe sipas saj, dronët e kievit u rrëzuan në 13 rajone. Një sulm i madh me dronë ukrainas vonë natën e së martës deri të mërkurën çoi në pezullimin e fluturimeve në të paktën dy aeroporte të Moskës, Vnukovo dhe Zhukovsky, thanë autoritetet ruse. Më herët, ministria kishte thënë se mbrojtja ajrore ruse shkatërroi 112 dronë ukrainas gjatë një sulmi që zgjati për plot tre orë. Sulmi i madh ukrainas vjen pasi Rusia nisi tre netë sulmesh masive ajrore në Ukrainë gjatë fundjavës, duke vrarë të paktën 12 persona. Të dielën, Rusia kreu sulmin e saj më të madh me dronë të luftës që zgjat prej më shumë se tre vitesh, duke lëshuar 355 dronë e raketa mbi Ukrainë. Sulmet e ashpra ruse mbi ukrainë gjatë natës bënë që presidenti amerikan donald trump të reagojë ashpër duke thënë se vladimir putin dukej se ishte cmendur plotësisht.