Të paktën 30 palestinezë u vranë si pasojë e një sulmi të ndodhur në një shkollë nga ana e ushtrisë izraelite në Gazën qendrore. Ministria e Shëndetësisë në Gazë dhe zyra për media e qeverisë së udhëhequr nga Hamasi thanë po ashtu se më shumë se 100 persona të tjerë janë plagosur si pasojë e bombardimeve. Ndërkohë ushtria izraelite tha se goditi një qendër komanduese të Hamasit që ndodhej brenda institucionit arsimor. Përmes një njoftimi IDF saktësoi se shkolla ishte përdorur për të nisur sulme kundër trupave të tij, duke shtuar se I ishte paralajmëruar civilët para se të kryente sulmin. Lufta në Gazë nisi pasi Hamasi më 7 tetor sulmoi jugun e Izraelit duke vrarë afër 1.200 persona dhe duke rrëmbyer afër 250 të tjerë. Si pasojë e ofensivës izraelite, në Gazë deri më tani janë vrarë më shumë se 39.100 palestinezë, sipas të dhënave të Ministrisë së Shëndetësisë në territorin e udhëhequr nga Hamasi.