Policia Kufitare e Kakavijës parandaloi dhe goditi dy raste të tentativës për transfertë të paligjshme të parave, 1 rast të trafikimit të mjeteve motorike dhe 1 rast për shkelje të ligjit për Kontrollin Kufitar. Për pasojë janë proceduar penalisht 4 shtetas dy grekë, një italian dhe një shqiptar dhe janë sekuestruar 30 mijë e 600 euro, si dhe 1 automjet i markës “Nissan”. Në hyrje të Republikës së Shqiperisë është ndaluar për kontroll një automjet “Nissan”, me drejtues shtetasin italian me inicialet A. B., 37 vjeç, banues në Napoli në Itali. Ky automjet ka rezultuar i vjedhur në Itali dhe i shpallur në kërkim ndërkombëtar nga Interpol Roma. Ndërsa në një tjetër rast gjatë kontrollit të sendeve personale dhe bagazheve, në dalje të Republikës së Shqiperisë, shtetasit grek A. D., 46 vjeç, banues në Argos, Greqi, i janë gjetur të fshehura dhe i janë sekuestruar 20200 euro, të cilat nuk i deklaroi pranë autoriteteve doganore.