Malek Ibrahim doli nga shtëpia e tij pasi tërmeti goditi Sirinë dhe mendoi se mund të merrte frymë i lehtësuar. Por 30 të afërm mbetën ende të pagjetur diku tjetër. Për dy ditët e fundit, Ibrahimi ka “gërmuar” rrënojat edhe me duar teksa kërkon për anëtarët e familjes të zhdukur pasi tërmeti vdekjeprurës i së hënës goditi Sirinë dhe Turqinë. Deri më tani, ai ka arritur të nxjerrë 10 trupa, të ndihmuar nga banorët dhe shpëtimtarët në Besnaya, një fshat në veriperëndim në kufirin turk, i cili u godit rëndë nga fatkeqësia. Xhaxhai i tij, kushëriri i tij dhe familjet e tyre ishin të bllokuar nën rrënojat. “E gjithë familja është zhdukur”, ka thënë 40-vjeçari për AFP.