Një punonjës banke në Itali po konsiderohet tani një hero, pasi bëri një mrekulli duke kapur një vogëlueshe që ra nga një ballkon në katin e pestë të një ndërtese, në torino. Mattia Aguzzi, 37 vjec, po shkonte të blinte bukë me të dashurën e tij, në qendrën e qytetit, mëngjesin e të shtunës, kur dëgjoi disa ulërima. Një vogëlueshe tre vjecare ishte ngjitur mbi parmakun e ballkonit të shtëpisë së saj në katin e pestë. “Dëgjova një burrë të ulëriste kur pa vogëlushen që po qëndronte mbi parmak. 3 vjecarja nuk po e mbante dot ekuilibrin”, tha Aguzzi. “Unë nisa t’i bërtisja që të qëndronte pa lëvizur dhe të kthehej brenda, por ajo nuk dëgjoi. Kur e pashë të binte vrapova, mbylla sytë dhe shpresova që gjithcka do të shkonte mirë. E bllokova atë duke e pritur me trupin tim dhe të dy ramë në tokë”, tha ai duke shtuar se fillimisht nuk kishte parë ndonjë shenjë jete, por më pas, vogëlushja kishte nisur të qante dhe ai kishte marrë frymë lirshëm pasi kishte kuptuar se ia kishte dalë ta shpëtonte. Si vogëlushja ashtu edhe heroi shpëtimtar, u trajtuan në spital për lëndime të vogla. Kryeministrja italiane, Giorgia Meloni tha se historia e vajzës mund të ishte shndërruar në një tragjedi, por falë gatishmërisë së Mattia Aguzzit, që e kapi atë në ajër, jeta e saj u shpëtua. Shumë nderime dhe mirënjohje për këtë hero të ri”, shkroi ajo në platformën X. Kryebashkiaku i torinës kërkoi që shpëtimtari të nderohej ndërsa një deputete tha se shpresonte që ai të merrte një medalje kombëtare. Vetë 37 vjecari i hedh poshtë lëvdatat. “Mos më quani hero. Unë bëra gjithcka natyrshëm. Nuk mendova për asgjë dhe u përpoqa të bëja gjënë e duhur”, tha ai.