Me nga 3 vite burg secili janë dënuar ish-kryetari I Bashkisë së Lezhës Fran Frrokaj dhe ish-kryetari I qarkut Gjok Ndoka. Fran Frrokaj u gjet fajtor për veprat penale “shpërdorim detyre” dhe “tjetërsim prone”. Vendimi u mor këtë të premte nga Gjykata e Apelit në Shkodër, sa I takon çështjes së tjetërsimit të pronave në zonën e Ranës së Hedhur në Shëngjin. Gjykata gjeti fajtorë edhe 15 zyrtarë e qytetarë të përfshirë në tjetërsimin e 234 mijë metrave tokë në bregdetin e Ranës së Hedhun. Hetimet për tjetërsimin e pronave në këtë zonë kanë nisur në vitin 2017-të, kur në prokurori u denoncua tjetërsimi i i 234 mijë e 548 metër katrore tokë shtetërore ranishte. Fillimisht në këtë çështje së bashku me kryebashkiakun u arrestuan edhe 22 persona të tjerë, por në gjykatën e shkallës së parë Lezhë dosja u dërgua për 18 persona, nga të cilët vetëm një u shpall i pafajshëm.