Një burrë hapi zjarr në një rrugë në Ardea, pranë Romës. Dy fëmijë, Daniel dhe David, 3 dhe 8 vjeç, dhe gjyshi i tyre u qëlluan nga plumbat. Pas ardhjes së karabinierëve, autori u mbyll në shtëpi. I moshuari vdiq menjëherë, ndërkohë që dy fëmijët u trasportuan në spital me helikopter. Fatkeqësisht, edhe njëri nga dy fëmijët nuk ia doli, dhe vdiq më pak se një orë pas episodit. Ndërsa gjendja e djalit tjetër ishte shumë e rëndë dhe mjekët u përpoqën ta stabilizonin. Por, përpjekjet e tyre nuk patën sukses, dhe pak më vonë vdiq edhe djali tjetër. Ngjarja ndodhi në një kompleks rezidencial në Colle Romito. Ndërkohë, sipas Mario Savarese, kryetari i bashkisë së Ardeas, autori duket se është një person i paqëndrueshëm që edhe më parë ka shfaqur sjellje problematike. “Mendohet se gjithçka ndodhi për arsye të kota. Por ne ende nuk dimë asgjë të saktë," tha ai. Burri, autori i dyshuar i krimit, është 34 vjeç dhe ka probleme mendore.