Vrasja e komisarit Artan Cuku mbetet një ndër ngjarjet më të rënda, e cila shkaktoi reagim të madh në vend. Porositësi i saj është Bledar Jambelli një ndër emrat më të njohur të krimit në vend.. Në dhjetor të 2012 ai u arrestua nga policia si vrasës me pagesë. Jambelli me origjinë nga Mbrostari i Fierit gjeti bashkëpunëtorin e vetëm, i cili mund t’i çonte deri në fund porosinë. Ishte pikërisht Mikel Shalari nga Kuçova autori i vrasjes së Cukut. 3 mijë euro paradhënie dhe pjesa tjetër pas ekzekutimit, ky ishte pazari mes dy vrasësve për heqjen qafe të komisarit. Komisari Artan Cuku u vra në vitin 2017, disa metra larg banesës së tij në kryeqytet. Sapo kishte takuar bashkëshorten dhe dy fëmijët ai u ekzekutua nga një person në një distancë të afërt. Ngjarja ka ndodhur rreth orës 20:00, në një zonë mjaft të populluar të kryeqytetit, rrugës nga Komuna e Parisit në drejtim të Parkut të Liqenit Artificial të Tiranës. Autori ishte i armatosur me një pistoletë, me të cilën ka shtënë 5 herë në drejtim të ish-drejtorit të policisë Vlorë. Për sa I përket komisarit, I cili mbeti viktimë, ai nuk kishte armë me vete.